Presidenti i Ukrainës, Volodymyr Zelenskiy, ka kërkuar të takohet drejtpërdrejt me presidentin rus Vladimir Putin, duke thënë se kjo ishte “e vetmja mënyrë për ta ndaluar këtë luftë”, raporton The Guardian.
Duke folur në një konferencë për shtyp, presidenti ukrainas iu drejtua Putinit:
“Ne nuk po e sulmojmë Rusinë dhe nuk planifikojmë ta sulmojmë atë. Çfarë do nga ne? Lëre tokën tonë”.
Duke ironizuar pak me takimet e zakonshme të Putinit në tryezat e gjata, Zelenskiy tha:
“Ulu me mua. Vetëm jo 30 metra larg si me presidentin francez Emmanuel Macron”.
