Shefi i UnitedHealthcare, një prej kompanive më të mëdha të sigurimeve shëndetësore në SHBA, u qëllua me armë zjarri në gjoks në qendër të Manhatta.
Sipas mediave të huaja, informacionet nga mediat amerikane, duke cituar persona me njohuri për hetimet, flasin për një sulm të shënjestruar.
Thompson, 50 vjeç, u qëllua pak pas orës 6:45 të mëngjesit me kohën lokale, sipas raportit të policisë, në 6th Avenue dhe konkretisht në hotelin New York Hilton Midtown.
Më pas, ai u dërgua në spitalin Mount Sinai West në gjendje kritike, por fatkeqësisht nuk mundi të mbijetonte.
Oficerët janë ende në kërkim të sulmuesit, i cili u largua në këmbë.
Policia beson se Thompson ishte objektivi i sulmit, i cili ndodhi gjatë konferencës vjetore të investitorëve të sigurimeve në Nju Jork.
Policia ka shpallur një shpërblim prej 10,000 dollarë për informacionin në lidhje me vdekjen e Thompson.
Ata kanë publikuar edhe dy foto nga kamerat e vëzhgimit, ku njëra tregon autorin me armë dhe e dyta autorin me biçikletë.
