Shkodra ka përjetuar një tjetër vrasje mesditën e kësaj të marte. Ngjarja e rëndë ka ndodhur në lagjen “Tom Kola”, ku brenda banesës së tij është gjetur i vrarë me armë zjarri 51-vjeçari, Petrit Vuksani.
Ky i fundit kishte vetëm një muaj që ishte kthyer në vendlindje, pasi ishte emigrant në Angli. Policia u lajmërua nga qytetarët e zonës, të cilët dëgjuan breshëri automatiku dhe kanë raportuar se kishin parë një person që kishte dalë nga banesa me nxitim pas krismave.
Policia e shkuar në vendngjarje, ka arritur që brenda pak minutash të identifikojë autorin e dyshuar të këtij krimi i cili mendohet që është kushëri më viktimën. I identifikuari që është shpallur në kërkim është Lek Vuksani dhe informacionet policore thonë që rrinte me qira në banesën e viktimës.
Ky i fundit, sipas të dhënave paraprake mendohet se ka shkuar për t’i kërkuar lekët e qirasë Lek Vuksanit dhe atje mund të kenë konsumuar ndonjë debat si pasojë e të cilit Lek Vuksani e ka qëlluar me automatik Pterit Vuksanin duke e lënë të vdekur.
Policia ka ngritur pika të shumta kontrolli përkapjen e të dyshuarit, ndërsa ngjarja mendohet se për çështje orësh pritet të zbardhet plotësisht.
