Një person sot ka vdekur në Pejë. Viktima dyshohet se është goditur për vdekje nga treni, të cilit viktima i ka dal përpara.
Lajmin e ka konfirmuar zëdhënësi i Policisë për Rajonin e Pejës, Fadil Gashi.
Sipas Gashit, dyshohet se viktima i ka dalë trenit përpara.
“Rreth orës 18:35 kemi pranuar një informatë se treni i cili ishte në lëvizje Prishtinë – Pejë, duke arritur në stacionin e Pejës ka goditur një person për vdekje. Viktima dyshohet se i ka dalë përpara trenit”, deklaroi ai.
Në vendin e ngjarjes kanë dalë të gjitha njësitë e Policës, dhe po merren me rastin.
“Detajet e tjera do të publikohen më vonë”, deklaroi Gashi.
