Mëngjesi i sotëm në Istog nisi me lajmin se Zyra e Aleancës për Ardhmërinë e Kosovës, është thyer.
Rastin për Indeksonline e ka konfirmuar edhe Bekë Berisha, ku sipas tij zyra është thyer mbrëmë nga disa persona të panjohur.
“Sot në mëngjes më ka njoftuar policia se mbrëmë më është thyer zyra”, ka thënë ai.
Berisha ka shtuar se nuk është frikësuar, dhe se nuk ka informacione se kush ka mundur ta bëjë këtë gjë.
Në anën tjetër, rastin e ka konfirmuar edhe Policia e Kosovës.
Zëdhënësi i policisë për rajonin e Pejës, Fadil Gashi, ka deklaruar se ngjarja ka ndodhur për shkak të erërave të forta dhe se nuk bëhet fjalë për sulm nga persona fizikë.
“Policia e Kosovës menjëherë kanë dal në vend ngjarje, i kanë kryer procedurat. Kur i kanë marr pamjet nga një kamerë aty afër, në pamje vërehet qartë se ajo pjesë e xhamit bjenë si pasojë e erërave të fuqishme”, ka thënë Gashi
