Gerard Moreno ka lëshuar kampin stërvitor të ‘La Rojas’ për shkak të një dëmtimi sipas Mundo Deportivo dhe ai do të mungojë në ndeshjen ndaj Kosovës.
Qendërsulmuesi i Villarreal doli nga fusha gjatë humbjes së Spanjës nga Suedia të enjten, për shkak të shqetësimit muskulor në pjesën e pasme të kofshës së tij të djathtë.
Moreno iu nënshtrua një ekzaminimi të plotë sot në klinikën ‘Sanitas La Moraleja’. Skanimi MRI i kryer ndaj sulmuesit nuk tregoi ndonjë dëmtim strukturor në kofshën e tij, por ai u largua nga kampi si masë paraprake dhe do të kufizojë aktivitetin e tij në ditët në vijim.
Moreno nuk do të zëvendësohet dhe Luis Enrique do të vazhdojë me 23 lojtarë në dispozicion për përballjet e ardhshme me Gjeorgjinë dhe Kosovën.
Spanja është e dyta në Grupin B Kualifikues të Kupës së Botës me katër ndeshje të luajtura, dy pikë prapa Suedisë. Kosova është e treta, Greqia është e katërta dhe Gjeorgjia janë të pestit.
