Varrimi i Auron Myftarit, që dyshohet se u ther për vdekje në Prishtinë nga vëllai tjetër, Gent Myftari, do të bëhet sot në ora 12:00, në varrezat e qytetit në Arbëri.
Vëllai tjetër, Agon Myftari përmes një postimi në Facebook ka bërë të ditur se familja nuk do të hapë të pame.
“Njëkohësisht, ju njoftojmë se për shkak të rrethanave, familja nuk do të hapë të pame. Pritja do të bëhet vetëm në varreza”, ka shkruar tutje Myftari.
Kujtojmë se i dyshuari Gent Myftari, gjatë mbrëmjes të së dielës nën shoqërimin e policisë, mori tretman mjekësor në Emergjencën e kryeqytetit, i cili pas mjekimit, u lirua nga spitali nën përcjellje të policisë.
