Dy boksierët do të takohen sonte në një revansh të shumëpritur.
Një vit më parë më 10 tetor 2020, Krasniqi arriti ta mund Boeselin me një nokaut brutal në raundin e dhjetë.
Falë kësaj fitores Robin ‘Haxhi’ Krasniqi arriti të rrëmbejë brezin nga Boesel, dhe tani kanë vendosur të zhvillojnë revanzhin.
Krasniqi nuk ka luftuar më që nga ajo natë më 10 tetor 2020, ndërsa Boesel u kthye në ring majin e kaluar me një fitore kundër Ondrej Budera.
Dy boksierët do të luftojnë sonte në sfidën që nis rreth orës 23:00 dhe është e vlefshme për titullin botëror të peshave të rënda IBO.
Në karrierën e tij profesionale Krasniqi ka luajtur 57 ndeshje dhe ka fituar 51 prej tyre, prej të cilave 19 me nokaut.
Ndërsa Boesel ka zhvilluara 32 meçe duke fituar 30 prej tyre, 12 me nokaut.
