Sindikata e Punëtorëve të Lotarisë së Kosovës ka mbajtur edhe këtë të premte protestë para objektit të Qeverisë së Kosovës, pasi po e kërkojnë miratimin e ligjit për kthimin e tyre në punë.
Ibadete Hasani Berisha, pjesë e kësaj sindikate, ka thënë se kanë marrë premtime por ende nuk ka ndodhur asgjë, teksa 60 persona kanë mbetur pa punë dhe pa ndihmë.
Në anën tjetër, qeveria i ka premtuar kësaj sindikate se do ta gjejnë zgjidhjen për këta punëtorë.
