Avionët izraelitë kanë goditur disa objektiva ushtarake siriane në përgjigje të raketave të lëshuara drejt territorit të kontrolluar nga Izraeli gjatë natës, tha ushtria izraelite, ndërsa dhuna u ndez përsëri pas shkëmbimeve ndërkufitare të zjarrit gjatë javës.
Media shtetërore në Siri raportoi shpërthime në afërsi të kryeqytetit Damask pasi Izraeli tha se forcat e tij vazhduan të godasin territorin sirian pasi gjashtë raketa u hodhën gjatë natës drejt Lartësive të Golanit.
Izraeli deklaroi se sulmet me artileri dhe dron goditën raketat dhe u pasuan nga sulme ajrore kundër një kompleksi të ushtrisë siriane dhe sistemeve të radarëve ushtarakë.
Ushtria izraelite “e sheh shtetin e Sirisë përgjegjës për të gjitha aktivitetet që ndodhin brenda territorit të saj dhe nuk do të lejojë asnjë përpjekje për të shkelur sovranitetin izraelit”, tha Forcat e Mbrojtjes izraelite në një deklaratë.
