Manchester United u turpërua para shikuesve të vet nga rivali i tyre më i madh, Liverpooli, duke pësuar disfatë 5-0 në Old Trafford.
Pas kësaj humbje turpëruese, janë shtuar spekulimet mbi të ardhmen e menaxherit të djajve, Ole Gunnar Solskjaer.
Gazetari i mirënjohur italian, Fabrizio Romano ka dhënë përditësimet më të reja rreth të ardhmes së Solskjaer.
Romano ka theksuar se nuk ka ndodhur asnjë takim gjatë natës me bordin dhe se ata do të vendosin në orët apo netët në vazhdim.
“Asnjë takim gjatë natës për bordin e Man Utd. Ata do të vendosin pozicionin përfundimtar në orët/ditët në vijim – Solskjær ka qenë gjithmonë i mbrojtur deri më tani.
Sipas Romanos spekulimet se Conte nuk po e konsideronte të marrë punën e United janë të pavërteta, por se nuk ka bisedime zyrtare.
“Thashethemet për Antonio Conte që ‘mos e konsideronte’ punën në Man Utd NUK ishin të vërteta. Por ende nuk ka bisedime zyrtare”, ka theksuar Fabrizio.
Kujtojmë që Manchester United janë pa fitore në katër ndeshjet e fundit në Premierligë, duke pësuar tri humbje e barazuar një tjetër.
