Pas rënies së numrit të vdekjeve dhe rasteve të reja pozitive me COVID-19 në Kosovë, kanë filluar kërkesat për lirimin e masave që janë në fuqi për parandalimin e përhapjes së virusit.
Lirimin e masave e kanë kërkuar së pari kryetarët e komunave, të cilët kanë propozuar së paku lehtësim të masave për qytetarët e vaksinuar kundër COVID-19.
Gjatë javës së kaluar në Kosovë janë regjistruar nëntë vdekje dhe 193 raste të reja me COVID-19, kurse vetëm gjatë ditës së djeshme janë regjistruar dy raste të vdekjes dhe 14 raste të reja pozitive me koronavirus.
Aktualisht, në Kosovë janë 1 mijë e 95 raste aktive me COVID-19, ndërsa deri më tani janë administruar 1.456.845 doza të vaksinave kundër COVID-19.
