Katër serbët, të cilët u arrestuan dje pas dhunës që ndodhi para ndërtesës së komunës në Zveçan, do të lirohen.
Në të njëjtën kohë, deri në orën 15:00 pritet tërheqja e njësive speciale të Policisë së Kosovës nga Zveçani, ka konfirmuar Dragan Nedeljkoviq, anëtar i Komunës së Zveçanit, raporton Kosovo Online.
Ai thotë se mbrëmë ka pasur negociata ndërmjet përfaqësuesve të Listës Serbe dhe komandantit të KFOR-it, transmeton Indeksonline.
“Rreth orës 21:30 ka ardhur komandanti i KFOR-it dhe na ka thënë mbrëmë se këta katër të cilët u morën dje në paraburgim do të lirohen, por se po presin që të vijnë letrat nga Prishtina”, tha Nedeljkoviq sot.
