Presidenti i zgjedhur Donald Trump do të ishte dënuar për përpjekje të paligjshme për të përmbysur rezultatin e zgjedhjeve presidenciale të vitit 2020 – të cilat ai i humbi – nëse nuk do të ishte rizgjedhur president në zgjedhjet e vitit 2024, sipas një raporti të Departamentit të Drejtësisë të lëshuar në Kongres.
“Provat e pranueshme ishin të mjaftueshme për të marrë dhe mbështetur një dënim në gjyq”, thotë raporti i Prokurorit Special Jack Smith, raporton BBC.
Smith është “i çmendur” dhe gjetjet e tij janë “të rreme”, tha Trump pas publikimit të raportit
Dokumenti prej 137 faqesh iu dërgua Kongresit pasi gjyqtarja Aileen Cannon hapi rrugën për publikimin e pjesës së parë të dy pjesëve të raportit të Smith – mbi çështjen e ndërhyrjes në zgjedhje.
Presidenti i zgjedhur merr detyrën më 20 janar.
Prokurori i posaçëm, Jack Smith, dha dorëheqjen nga posti i tij javën e kaluar.
Smith u emërua në vitin 2022 për të mbikëqyrur hetimet e Departamentit të Drejtësisë të SHBA-së ndaj Trump. Këshilltarët e posaçëm zgjidhen nga departamenti në rastet kur ka një konflikt të mundshëm interesi.
Trump u akuzua për mbajtjen e paligjshme të dokumenteve dhe, në disa raste, ruajtjen e tyre në dhomat në resortin Mar-a-Lago në Florida, rezidenca e tij që ai zotëron. Në çështjen e ndërhyrjes, ai u akuzua për komplot për të përmbysur rezultatin e zgjedhjeve të vitit 2020.
Të dyja rastet rezultuan në kallëzime penale kundër Trump, i cili u deklarua i pafajshëm dhe kërkoi t’i shpallte ndjekjet penale si të motivuara politikisht.
