Kryeministri i Shqipërisë Edi Rama, në 24 vjetorin e Çlirimit, ka thënë se sot është dita për të reflektuar thellë e për ta nxjerrë Kosovën nga qorrsokaku, ku e ka futur grindja absurde me aleatët.
Ndërsa ka pohuar se Kosova duhet të dalë patjetër prej qorrsokakut me dialog, jo me policë.
“Si sot e gati çerek shekulli më parë, hyrja e NATO-s në Kosovë u rikujton të gjithëve, se pa aleatët strategjikë të shqiptarëve, miq të mirë në ditët më të këqija, s’do të kishte as Republikë të Kosovës, as liri e demokraci për shqiptarët në Kosovë! Zoti i bekoftë aleatët tanë!”
“Prandaj bash sot është dita për të reflektuar thellë e për ta nxjerrë Kosovën nga qorrsokaku ku e ka futur grindja absurde me aleatët! Kosova duhet të dalë patjetër prej qorrsokakut me dialog, jo me policë,me ide konkrete jo me propagandë, me miq të mirë jo me keqtrajtim të miqve!”, ka shkruar Rama në Twitter.
