Pjesëmarrja e Prindon Sadriut, burrit të presidentes Osmani pa asnjë ftesë e madje me uniformë ushtarake në ushtrimin e FSK-së në “Defender Europe” kishte shkaktuar reagime të mëdha në opinion dhe në media.
E për këtë çështje është folur edhe sot në Kuvendin e Kosovës, shkruan lajmi.net.
Deputetja e PDK-së, Ganimete Musliu ka pyetur qeverinë se mbi çfarë baze ka marrë pjesë Prindon Sadriu aty, duke qenë se ai është reservist.
“U zbeh imazhi i FSK-së dhe ngjarjes në përgjithësi. Kjo u bë nga institucionet e vendit. Jemi të detyruar që qeverisë t’ia adresojmë disa pyetje. Pjesëmarrja e bashkëshortit të presidentes i zbehu imazhin shtetit tonë dhe ushtrisë sonë”, ka thënë ai.
Ai ka vazhduar me disa pyetje, duke aluduar se janë shkelur ligjet dhe Kushtetuta e vendit.
“Çfarë grade mbanë Prindon Sadriu? Si reservist që është, ai është i obliguar që të marrë pjesë në trajnime. A ka pasë ftesë për pjesëmarrje në këtë ceremoni dhe nga kush është ftuar. Në çfarë cilësie ka marrë pjesë ai aty? Nëse ka marrë pjesë si burr i presidentes, pse ka veshur uniformën?”, ka thënë ajo.
“A është kjo shkelje e ligjeve? A është shkelje e Kushtetutës?”, ka thënë ajo.
