Qeveria e Kosovës pati miratuar me shumicë votash propozimin për emrat e anëtarëve të rinj të Këshillit Shtetëror të Cilësisë, në mesin e të cilëve është edhe, Gëzim Tosuni, nipi i zëvendëskryeministrit Besnik Bislimit.
Përfshirja e nipit të Bislimit në këtë Këshill, është përcjellur me kritika në adresë të qeverisë Kurti, për shkak se LVV në opozitë, ka qenë kundërshtarë e madhe për punësimet familjare.
Lidhur me këtë punësim, ka folur edhe ministrja e Drejtësisë, Albulena Hxhiu, e cila ka dhënë një shpjegim interesant.
Metodë unike që zhduk kërpudhat e thonjve të këmbës për 3 ditë
“E pyeta për kureshtje (Besnikun) tha se ndoshta në 50 vjetet e fundit ndoshta e kam takuar njëherë, nuk e mbaj në mend se çfarë e ka”, tha ajo në Kanal10.
Gazeta Infokus është interesuar të kuptoj për sa kohë nuk janë takuar Bislimi me nipin e tij, prandaj ka kontaktuar nipin Gëzim Tosuni.
Ky i fundit përveç që nuk ka dhënë përgjigje, ka këshilluar gazetaren e Infokusit për mënyrën se si të bëjë gazetari.
E më pas, duke refuzuar të përgjigjet që sa kohë s’e ka parë dajën Besnik ai ka kërcënuar se nëse biseda e tij përdoret si lajm, ai do të bëjë padi.
“Nëse keni naj pyetje mundësh me ma dërgu me imell, përndryshe nëse ti çka do prej kësaj bisede e shoh ndokund nëpër gazeta do të ju padis, pasi kjo është off record, kurgjo nuk mundesh me përdor prej kësaj”, ka thënë Tosuni.
Por edhe pse u shpreh i gatshëm të përgjigjet përmes e-mailit, Tosuni ka refuzuar ta jap adresën e postës elektronike.
“Po supozojë se aty ku e ke marrë numrin e merr edhe e-mailin, nuk e di pse insiston me i bo unë punët e gazetarit, gjeje ndonjë mënyrë nuk ka kurgjo për mu e mshef”, ka thënë nipi i Besnik Bislimit.
Gëzim Tosuni aktualisht, profesor në Fakultetin Ekonomik, ndërkohë ka qenë dekan i Fakultetit Ekonomik të Universitetit Publik të Gjilanit.
