Në seancën paragjyqësore të 16 shkurtit, prokurori special Jack Smith mori fjalën në lëndën akt-akuzës e ngritur nga ai ndaj katër ish-krerëve të Ushtrisë Çlirimtare të Kosovës që po mbahen në Hagë.
Më shumë se në krejt seancat mbi statusin e çështjes shefi i Zyrës së Prokurorit të Specializuar që është amerikan foli në një takim që deri më tash u mbajt sekret.
Smith për disa orë më 20 prill bashkëbisedoi me anëtarët e trupës për politikë dhe siguri të Bashkimit Evropian.
Nga BE-ja kanë konfirmuar mbledhin që e quajnë informale e në të cilin sipas evropianëve Jack Smith ofroi rezyme të ngjarjeve që lidhen me ZPS-në bashkë me punën dhe arritjet siç i quajnë në përgjigje.
Përtej kësaj një zyrtar i afërt me takimin i tha Klan Kosovës se Smith kishte disa ankesa të forta apostafat për mbrojtjen e dëshmitarëve për që gjë thirri vendet anëtare të jenë vigjilent.
Në ngjarjen e para dy javëve kanë qenë rreptësishtë të ndaluar telefonat apo mjetet tjera nga ku mund të nxirreshin informacione.
Një avokat kosovar i akredituar pranë Speciales në Hagë, thotë se prokurori Jack Smith , ska gati asnjë arsye për ankesa sepse Institucionet përgjegjëse në Prishtinë po kryejnë detyrat.
Qerkini nuk beson se Smith u ankua në Komitetin Evropian për Politikë e Siguri sa i përket financimit të Gjykatës Speciale nga vende të ndryshme.
Pos kryeprokurorit edhe kryetarja e Dhomave të Specializuara Ekaterina Trandafilova në muajin shkurt takoi diplomatë të BE-së të akredituar në Holandë
