Është tentuar të grabitet banka “TEB” në Çagllavicë, të hënën.
Tentim-vjedhja ka ndodhur rreth orës 10:45 – nuk raportohet për të lënduar.
Lajmin e ka konfirmuar Agron Borovci.
“Pas marrjes së informacionit policia ka dalë në vendngjarje dhe bazuar në të dhënat e para janë ngritur dyshimet se në këtë tentativë grabitjeje kanë marrë pjesë tre të dyshuar të cilët më pas kanë ikur nga vendi i ngjarjes”, ka thënë ai.
Policia e Kosovës ka nisur ta jetojë rastin në fjalë.
“Aktualisht policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit si dhe identifikimin e të dyshuarve”. /Express
