Skuadra e Prishtinës ka mësuar kundërshtarin e radhës.
Skuadra e Prishtinës pas eliminimit nga kualifikimet e Ligës së Kampionëve nga skuadra hungareze, Ferencvarosi do ta vazhdojë aventurën e saj në kuadër të kualifikimeve për Europa Conference League.
Skuadra nga kryeqyteti do të përballet me klubin Connah’s Quay Nomads me 20 korrik në stadiumin “Fadil Vokrri” në Prishtinë.
Ndërsa ndeshja e dytë do të zhvillohet në “Deeside Stadium” pas një jave.
Risi do të jetë pas vendimit të Qeverisë së Kosovës që stadiumi “Fadil Vokrri” do të mund të mirëpresë 30% të tifozëve.
