Prishtina e ka mbyllur pjesën e parë në epërsinë ndaj Inter d’Escaldes me rezultat 1-0, në kuadër të finales së raundit preliminar të Ligës së Kampionëve.
Prishtina e nisi ndeshje më mirë, duke radhitur rastet para portës së skuadrës nga Andorra.
Raste të mira kishin Leotrim Kryeziu dhe Lumbardh Dellova, por fati nuk ishte me ta.
Pastaj rrezikoi Endrit Krasniqi me një goditje dënimi dhe një gjuajtje të fortë nga distanca, por fati nuk ishte me të.
Prishtina në minuta e fundit të pjesës së parë shtoi presionin dhe ia arriti qëllimit.
Dellova pasoi te Besnik Krasniqi, i cili ul bukur për Xhevdet Shabanin, ndërsa ky gjuan përtokë e topi i devijuar nga mbrojtja vjen te Endrit Krasniqi që shënoi nga afër për 1-0.
Pas goli Prishtina ka mundur të shënojë edhe një herë me Kryeziun i cili gjuan, por portieri Josep Gomes mbron.
Kampionët e Kosovës janë në rrugë të mirë pas pjesës së parë.
