Presidentja e Federatës së Anglisë e ka uruar për mandatin e radhës Agim Ademin.
Ademi u zgjodh për herë të dytë në këtë pozitë, më 9 prill, pasi mori shumicën e votave nga delegatët.
“Ishte kënaqësi e vërtetë që të takova në Doha javën e kaluar. Mezi pres që të takohemi sërish në Kongresin e UEFA-s, ku shpresoj se do të mund të ndërtojmë marrëdhënie midis dy federatave tona. Ndërkohë, në emër të FA, ju uroj përzemërsisht për rizgjedhjen tuaj si President këtë javë”, ka shkruar në letrën e saj presidentja e Federatës angleze.
Pos saj mandatin e ri Ademit ia kanë uruar edhe Gianni Infantio (president i FIFA) dhe Alexander Ceferin (president i UEFA).
