Milos Jovanoviq, politikan serb dhe kandidat presidencial i koalicionit NADA në Serbi ka dhënë një deklaratë të çuditshme në tentim për t’u dukur kërcënues ndaj Kosovës.
Sipas këtij politikani, në bazë të Rezolutës 1244, Serbia ka të drejtë që të kthejë një pjesë të forcave të sigurisë së saja në Kosovë.
“Këto janë kushtet në të cilat u nënshkrua paqja, dhe ne do të kthehemi në atë një ditë kur rrethanat ndërkombëtare janë më të mira për ne,” tha Milos Jovanovic.
Siç thotë ai, Kurti nuk e kupton që veprimet e fundit në veri shkaktojnë konflikte.
“Është një presion serioz mbi njerëzit që të ndikojnë në emigracionin e tyre. Kurti nuk e kupton që kjo do të shkaktojë konflikte, nuk është kërcitja e armëve, është përdorimi i armëve”, tha ai.
