Policia e Kosovës ka konfirmuar për klankosova.tv, se një person shtetas i huaj, ka ndërruar jetë pasi rreth orës 18:15, u gjet i shtrirë në rrugën ”Ukshin Hoti” në Prishtinë.
Mësohet jozyrtarisht se bëhet fjalë për një diplomat të Ambasadës së Malit të Zi.
Tutje në raportin e policisë, thuhet se me të pranuar informatën, bashkë me ta ekipi i mjekëve emergjentë kanë dalë në vendin e ngjarjes, ku më pas i njëjti është dërguar në QKUK.
”Sot rreth orës 18:15 kemi pranuar informatën për një person të shtrirë në rrugën “Ukshin Hoti” në Prishtinë.
Menjëherë pas marrjes së informatës policia dhe ekipi i mjekëve emergjent kanë dalë në vendin e ngjarjes.
Personi (shtetas i huaj) është dërguar në QKUK, nga ku jemi njoftuar se i njëjti ka ndërruar jetë. Policia në koordinim me prokurorin e shtetit po punon për ndriçimin e plotë të rrethanave të ngjarjes”.
