Policët shqiptarë që shërbejnë në uniformat e policisë amerikane, i kanë grumbulluar 60 mijë dollarë për familjen e heroit Afrim Bunjaku, raporton teve1.info
Çeku prej 60 mijë dollarëve u dorëzua nëpërmjet një ceremonie në mjediset e Konsullatës së Republikës së Kosovës në New York, në praninë e Konsullit të Përgjithshëm – Ambasador Blerim Reka dhe stafit të tij.
Ky çek familjes së heroit Afrim Bunjaku, nga disa pjesëtarë të uniformave blu në New Jersey & New York, si dhe themeluesi i Shoqatës Amerikane Shqiptare e Zbatimit të Ligjit në SHBA, Elton Shametaj iu dorëzua Drejtorit të Përgjithshëm i Policisë së Kosovës z.Gazmend Hoxha.
Mjetet u ndanë nëpërmjet një fushate për mbledhjen e ndihmave financiare shqiptarët që shërbejnë në uniformat policisë amerikane të inkuadruar në Shoqatën Amerikane Shqiptare e Zbatimit të Ligjit në SHBA, nëpërmjet GoFundMe.
Ky aksion u ndërmor një muaj pas sulmeve terroriste në veri të Kosovës, ku mbeti i vrarë polici Afrim Bunjaku.
