Në vazhdën e debateve në vend lidhur me deklaratën që e njëjta e kishte bërë për Specialen, kryediplomatja e Kosovës ka reaguar përmes një shkrimi në rrjete sociale, raporton Gazeta Express.
Në llogarinë zyrtare në Facebook, Donika Gërvalla, Ministre e Punëve të Jashtme dhe Diasporës ka cituar profesorin e ndjerë, Fehmi Aganin në përvjetorin e vrasjes së tij.
Ajo e ka quajtur Aganin trurin e rezistencës civile të shqiptarëve të Kosovës, si dhe arkitektin kryesor të pavarësisë.
“Prof. Agani pa dyshim është truri i rezistencës civile të shqiptarëve në Kosovën e viteve të 90-ta. Një ndër arkitektët kryesorë të pavarësisë së Kosovës”, ka shkruar Gërvalla.
Në drejtim të Gërvallës ditëve të fundit ka pasur shumë reagime, e kryeministrit Albin Kurti iu është kërkuar që ta shkarkojë të njejtën pasi që është kthyer në vëmendje një deklaratë që ajo e kishte bërë vite më parë për Specialen.
Kurti në anën tjetër ka reaguar duke i dalë në mbrojtje Gërvallës.
https://www.facebook.com/donikagervalla/posts/10218800229093757
