Personi që mori plagë nga të shtënat me armë zjarri që ndodhen në mbrëmje në çarshinë e gjatë në Pejë, është dërguar për trajtim të mëtejmë drejt QKUK-së.
Lajmin për ‘RADIO 1’, e konfirmon mjeku kujdestar i Spitalit Rajonal të Pejës, Rifat Dreshaj i cili edhe foli për gjendjen e personit të plagosur.
Ai tha se plumbi ka kaluar tej për tej nga ana e abdomenit.
Ndërkaq ka shtuar se i plagosuri është jashtë rrezikut për jetë.
“Kemi pranuar personin në fjalë, i plagosur nga arma e zjarrit. Plumbi ka kaluar tej për tej nga ana e abdomenit. I nevojitet trajtim më specifik mejkësorë dhe e kemi nisur për në QKUK. Deri në momentin e nisjes pra, konfirmojmë se ndodhet në gjendje stabile, për momentin jashtë rrezikut për jetë”, tha Dr.Dreshaj
