Kryesia e Kuvendit të Kosovës ka vendosur që seanca e radhës të jetë të enjten, më 8 shkurt.
Kështu bëri të ditur shefi i Grupit Parlamentar të PDK-së, Abelard Tahiri, ndërsa theksoi se si grup parlamentar kanë propozuar themelimin e dy komisioneve hetimore.
“Njërin komision hetimor kemi propozuar të bëjmë hetim parlamentar në kuadër të Ministrisë së Punëve të Jashtme… kemi pas prova të mjaftueshme për degradimin e shërbimit diplomatik… dhe kontratës për njerëz të angazhuar me shuma marramendëse që nuk kanë ndodhur më herë në Republikën e Kosovës, siç është rasti i Gani Jakupit…. që paguhet me një pagë që kalon çdo standard të pagave që paguhen nga buxheti i Kosovës…
Kemi informacione që ka edhe raste tjera të angazhimit të njerëzve si rasti i Gani Jakupit, por që nuk po bëhen publike”, tha ai.
Ai tha se si grup parlamentar kanë denoncuar dy herë edhe zjarrvënien në Institutin e Mjekësisë Ligjore.
