Një kompani kredibile ndërkombëtare ka paralajmëruar që Rusia së shpejti nuk do të jetë në gjendje t’i paguajë borxhet e saj.
Sipas agjencisë “Fitch Ratings”, rreziku që Rusia të mos mund t’i paguajë borxhet dhe detyrimet, është i madh.
Kjo vjen si pasojë e sanksioneve më të ashpra të vëna mbi Rusinë historikisht nga shtetet perëndimore, pas shpërthimit të luftës në Ukrainë.
Edhe Moska ka thënë se pagesat e saj të borxheve mund të ndikohen negativisht nga sanksionet.
Gjendja është rënduar sidomos nga dje, kur SHBA njoftoi sanskionet e reja tregtare për gazin dhe naftën ruse. Presidenti Joe Biden ka thënë se me këtë lëvizje ka goditur arterien e ekonomisë ruse.
