Avokati serb, Çedomir Stojkoviq, i cili më herët njoftoi se policët e rrëmbyer nga Serbia ndodhen në Kralevë, i ka publikuar numrat e e prokurorisë dhe gjykatës në Kralevë duke i inkurajuar gazetarët që të pyesin për lirimin ose jo të policëve kosovarë.
Ai ka thënë se në ora 12:38 bëhen 48 orë dhe me këtë skadon edhe afati ligjor për mbajtjen e tyre.
“Është detyrë e gjykatës dhe e prokurorisë që t’i japin publikut dhe gazetarëve këtë informacion dhe nuk mund të ketë asnjë justifikim.
“Këmbëngulja e gazetarëve do të detyrojë prokurorinë dhe MPB-në të dalin me një deklaratë publike. Nëse lirohen, ju sugjeroj pyetjen: “atëherë pse i arrestuat fare, në vend që thjesht t’i përcillnit për në Kosovë”. Nëse nuk lirohen, ju sugjeroj pyetjen: “a është shkelje e Marrëveshjes së Brukselit”,ka shkruar Avokati.
