Deputeti i LDK-së, Besian Mustafa, ka komentuar lajmin e mediumit spanjoll ‘The Objective’, në të cilin përflitet për ndryshimin e qasjes së Spanjës ndaj Kosovës karshi çështjes së bashkëpunimit.
Mustafa, me anë të një postimi në ‘Facebook’, e ka parë një gjë të tillë si një lajm të mirë për Kosovën.
Ai ka kërkuar nga diplomacia kosovare të përfitojë nga ky vendim.
“Lajm i mirë për Kosovën. Shpresoj diplomacia jonë të ketë qartësinë strategjike të përfitojë shpejt nga ky vendim duke zbërthyer se interesat e Kosovës dhe Spanjës janë në vi të njejtë”, ka shkruar ai.
Postimi i plotë:
Spanja është shteti më i madh i pesëshes së BE-së që nuk njohin ende Kosovën.
Ajo së fundmi ka treguar nevojën për të përforcuar pozicionin e saj vendimarrës dhe ndikimin në politikën e jashtme të BE-së.
Njëkohësisht, duke rreshtuar edhe më tej politikën e saj të jashtme me Amerikën, Spanja synon avancimin e marrëdhineve mes këtyre dy shteteve në rendin e ri ndërkombëtar që po shpaloset së fundmi.
Këto dy nevoja duket të kenë çuar tek vendimi i Qeverisë spanjolle që së shpejti të hapë një zyre ndërlidhëse për çështje ekonomike dhe/ose kulturore në Prishtinë.
Lajm i mirë për Kosovën. Shpresoj diplomacia jonë të ketë qartësinë strategjike të përfitojë shpejt nga ky vendim duke zbërthyer se interesat e Kosovës dhe Spanjës janë në vi të njejtë.
