Gjiganti italian po mundohet ta bind mesfushorin të nënshkruajë kontratën e re.
Franck Kessie është duke kaluar vitin e fundit të kontratës me Milanin që i skadon në qershor të vitit 2022.
Palët prej kohësh kanë nisur bisedimet për të nënshkruarë një marrëveshje të re, por duket që një gjë e tillë nuk është afër të ndodhë.
Sipas gazetarit italian Ginaluca Di Marzio, futbollisti është duke kërkuar pagë prej 9 milionë euro në sezon për të zgjatur kontratën.
Në anën tjetër ‘Rossonerët’ nuk janë duke ofruar më shumë se 6.5 milionë, dhe negociatat kanë ngecur.
24-vjeçari, ka interesim nga shumë klube të mëdha evropiane si PSG, Real Madrid që janë të gatshëm t’i plotësojnë kërkesat e tij financiare.
Mbetet të shihet nëse gjiganti italian do arrijë ta bind Kessien të nënshkruajë marrëveshjen e re, apo ai do të largohet si futbollistë i lirë në fund të edicionit.
