Gjermania duhet të angazhohet në bisedime me talebanët, tha kancelarja gjermane Angela Merkel gjatë një konference shtypi.
“Sigurisht që ne duhet të flasim me ta, sepse ata janë ata me të cilët duhet të flasësh tani”, u tha Merkel gazetarëve përkrah Laschet, i cili shpreson të pasojë kancelaren në zgjedhjet.
Ajo tha se dëshirojnë të evakuojnë njerëzit që punonin për projektet e ndihmës gjermane të zhvillimit.
Gjermania gjithashtu do të mbështesë organizatat ndërkombëtare të ndihmës që “përmirësojnë situatën humanitare në Afganistan”, duke përmendur thatësirën dhe urinë si probleme të mëdha.
Merkel tha se ishte një “sinjal i mirë” që aeroporti i Kabulit është “përsëri i arritshëm”.
Një zëdhënës i talebanëve i tha një gazete gjermane se grupi ishte gati për marrëdhënie të plota diplomatike me Gjermaninë. Ai tha se ata nuk e kishin “falur” bashkëpunimin gjerman me SHBA.
Ministrat e jashtëm të Bashkimit Evropian kishin rënë dakord javën e kaluar mbi nevojën për t’u angazhuar me talebanët, por thanë se kjo nuk do të thotë se ata e njohën qeverinë e re.
