Sot, në ora 10:00, është paralajmëruar të mbahet mbledhja e radhës e Qeverisë së Kosovës.
IndeksOnline merr vesh se në ren dite janë në shqyrtim 31 pika.
Ndër to, është edhe shqyrtim-propozim vendimi për ndarjen e mjeteve buxhetore në emër të dërgimit të kontigjentit të parë të ndihmave humanitare nga Republika e Kosovës për popullin e Ukrainës, viktimë e agresionit rus.
Po ashtu, sot do të shqyrtohet propozim-vendimi për ofrimin e mbrojtjes së përkohshme dhe të menjëhershme të gazetarëve ukrainas, përfshirë edhe anëtarët e ngushtë të familjes së tyre.
Ndërkohë, pikat e tjera të mbledhjes kanë të bëjnë me shqyrtimin dhe negocimin e marrëveshjeve të ndryshme të kredisë.
Kurse, njëra ndër pikat ka të bëj edhe me funksionimin e komunave gjatë kësaj periudhe, dhe miratimi i buxhetit për komunat si: Gjakovë, Prizren, Suharekë, Malishevë, Vushtrri, Mitrovicë dhe Podujevë.
E pika 17 e rendit të ditës ka të bëj me shqyrtimin e nismës për Ekstradim ndërmjet Qeverisë së Republikës së Kosovës dhe asaj të Kroacisë.
