Presidenti Bajram Begaj do të mirëpresë sot në një vizitë shtetërore Presidentin e Republikës së Italisë, Sergio Mattarella.
Presidenti i Italisë Mattarella, do të pritet me ceremoni shtetërore në Pallatin e Brigadave në orën 10:00. Ndërkohë në orën 11:10 të dy Presidentët do të japin një deklaratë për mediat nga “Pallati i Brigadave”.
Kujtojmë se Presidenti i Italisë mbërriti pasditen e djeshme në Tiranë, bashkë me ministren e Universitetit dhe Kërkimit Shkencor Maria Cristina Messa.
Dy zyrtarët e lartë italianë u pritën dje në aeroportin e “Rinasit” nga ministrja e Arsimit Evis Kushi.
