Manchester Unitedi humbi kundër Wolves në Old Trafford për herë të parë që prej vitit 1980 këtë të hënë. Disfata 1:0 i dha fund një ecuri prej më shumë se 40 vjetëve pa humbje ndaj këtij kundërshtari.
Po ashtu, ecuria prej pesë ndeshjeve nën udhëheqjen e trajnerit të ri Ralf Rangnick mori fund mbrëmë me atë rezultat.
Djajtë e kuq vazhdojnë të kenë vështirësi ndaj ekipeve më të vogla, pasi edhe javën e kaluar barazuan 1:1 me Newcastle United.
Wolves u futën në fushë sypatrembur për të sulmuar, duke i bërë 15 goditje në 45 minutat e parë, më shumë se çdo ekip tjetër vizitor në një pjesë të parë në Old Trafford.
Puna e tyre u shpërblye në minutën e 82-të, kur Joao Moutinho e shënoi golin e triumfit me një goditje të bukur jashtë zonës.
Wolves e mbaroi ndeshjen me 19 goditje drejt portës së United, lojtarët e të cilit i bënë vetëm nëntë goditje në drejtim të portës kundërshtare
