Një ngjarje e rëndë ka ndodhur ditën e sotme rreth orës 07:45, në afërsi të fshatit Pishkash në Librazhd. Një çift bashkëshortësh humbën tragjikisht jetën pasi automjeti me të cilin udhëtonin ra në lumin Shkumbin. Viktimat janë A. Y. rreth 55 vjeç dhe bashkëshortja e tij, M. Y., rreth 50 vjeçe, nga Devolli.
“Rreth orës 07:45, në aksin rrugor “Librazhd-Prrenjas”, shtetasi A. Y., rreth 55 vjeç, banues në Devoll, duke drejtuar automjetin tip “Volkswagen”, ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka rënë në përroin e Lengajcës. Nga ky aksident kanë humbur jetën shtetasi A. Y. dhe bashkëshortja e tij, shtetasja M. Y., rreth 50 vjeçe, e cila ishte pasagjere në këtë automjet.
Aktualisht autoritetet policore dhe ato zjarrfikëse ndodhen në vendin e ngjarjes dhe po punojnë për nxjerrjen e trupave të pajetë.
