“Bombë në Hasan Prishtinë, e vendosur të shpërthej tani”, thuhet në email në gjuhën angleze.
Objekti i Rektoratit të UP-së është rrethuar nga forcat e Policisë. Përveç tyre e pranishme është edhe njësia për çmontimin e lëndëve shpërthyese dhe njësia e qenve, K-9.
Objekti në brendësi është kontrolluar, kurse tani po kontrollohet në detajet oborri.
Zëdhënësi i PK-së, Agron Borovci ka thënë për IndeksOnline se në bazë të informacioneve të para, bëhet fjalë për kanosje të dyshimtë që ka ardhur përmes postës elektronike.
“Rreth orës 16:00, është pranuar informata për dyshimet që ndërlidhen me një shpërthim të mundshëm në Rektoratin e Universitetit “Hasan Prishtina” në Prishtinë. Informacionet e para flasin se kanosja e dyshimtë ka ardhur përmes postës elektronike. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, ka deklaruar Borovci.
