Kryeministri Albin Kurti gjatë fjalës së tij në një panel në Bled të Sllovenisë bashkë me Kryeministra tjerë të rajonit ka folur për deeskalimin e situatës në Veri duke treguar se prania e policisë është ulur dhe se tani i pret zgjedhjet.
“Pajtohem plotësisht duhet të ketë deeskalim, duhet t’i ulim tesnionet dhe ka dy muaj gati që në komunavet veriore të Kosovës nuk ka pasur protesta të dhunshme. E kemi ulur numrin dy herë nga 25 përqind praninë e Policisë së Kosovës në këto komuna dhe pres zgjedhje të parakohshme në komunat veriore. Shpresoj se do të kemi një fushatë ë hapur dhe të drejtë për zgjedhje të lira dhe demokratike” ka thënë ai.
Kurti është pyetur edhe rreth pesë shteteve të BE’së që nuk e kanë njohur Kosovën.
“Ka hapa të vegjël dhe shpresojmë që të na njohin edhe ato shtetet që nuk na kanë pranuar. Një mënyrë tjetër është ato shtete skeptike, t’i bindim me zhvillimet dhe rezultatet”, tha Kurti. Shefi i qeverisë po ashtu se shpreson se Kosova, të jetë pjesë Këshillit të Evropës, dhe partneritet me NATO-n.
