Kryeprokurori i Speciales, Jack Smith ka folur sot në hapje të gjykimit kundër Salih Mustafës.
Smith në deklaratën e tij ka thënë se Specialja është një mundësi që Kosova t’i lë pas problemet e luftës.
Ai tutje ka thënë se kjo gjithashtu është mundësi që viktimat të thonë fjalën e tyre pa frikë.
“Përbën një mundësi që Kosova t’i lë pas problemet e luftës. Mundësi që viktimat të thonë fjalën e tyre pa frikë. Mundësi që të akuzuarit t’i dëgjojnë akuzat dhe t’i kundërshtojnë ato. Mundësi që drejtësia të jetë e plotë, efikase dhe e drejtë. Kjo është një gjykatë për kontribut madhor në drejtësinë ndërkombëtare. Edhe pse kjo gjykatë shihet ndryshe, është mundësi për të kërkuar drejtësi”, tha Smith.
Paraprakisht, komandant “Cali” u deklarua sërish i pafajshëm për pikat e akuzës.
