Mbrëmjen e djeshme dy grupe janë përleshur mes veti, ku kanë përdorur edhe armë zjarri dhe si pasojë ka mbetur i plagosur një person.
I plagosur nga kjo përleshje ka mbetur, Veton Gashi i njohur më nofkën “Canki”.
Ai është dërguar për trajtim mjekësor në QKUK dhe se gjendja e tij është raportuar stabile.
Këtë e ka konfirmuar doktori Ejup Govori.
“Gjendja e tij është stabile, ka lëndime me armë zjarri, lëndimet janë në ekstremitet të poshtme dhe është në trajtim e sipër”, ka thënë Govori.
Ndërsa, në media po raportohet se edhe një person ka mbetur i plagosur dhe se ndodhet në arrati.
Por nga policia bën të ditur se janë duke e hetuar rastin.
“Rreth orës 20:15, është raportuar për gjuajtje me armë zjarri të ndodhur në rrugën “Bajram Bahtiri” në Prishtinë.
Me të marrë informatën, policia ka dalë në vendin e ngjarjes dhe nga informacionet e para është bërë e ditur se për pasojë një person ka marrë plagë nga arma e zjarrit.
Ndërkohë që i plagosuri është dërguar në QKUK për trajtimin e nevojshëm mjekësor, policia po vijon punën e saj me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin e të dyshuarve të implikuar në rast, si dhe sqarimin e plotë të rrethanave të ngjarjes”, kështu tha për IndeksOnline zëdhënësi i policisë së Kosovës për rajonin e Prishtinës, Agron Borovci.
