Komisioni për Buxhet, Punë dhe Transfere sot do të mbajë mbledhje.
Në këtë mbledhje do të bëhet shqyrtimi i raportit me amendamente i Komisionit funksional për Çështjet e Sigurisë dhe Mbrojtjes për Projektligjin për Këshillin e Sigurisë të Republikës së Kosovës, si dhe do të shqyrtohet raporti më amendamente i komisionit funksional për Mjedis, Ushqim, Bujqësi, Planifikim dhe Zhvillim për Projektligjin për Rrugët.
Në rendin e ditës është edhe shqyrtimi i raportit me amendamente për Projektligjin për Noterinë, shqyrtimi i raportit më amendamente i Komisionit funksional për Mandate Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit për Projektligjin për Këshillin Prokurorial të Kosovës, dhe shqyrtimi i raportit më amendamente i Komisionit funksional për Administratë Publike, Pushtet Lokal, Media dhe Zhvillim Rajonal për Projektligjin për Zyrtarët Publik.
Po ashtu në këtë mbledhje do të bëhet shqyrtimi i raportit vjetor financiar i Autoritetit Kosovar të Konkurrencës për vitin 2023 dhe shqyrtimi i raportit vjetor i Komisionit Rregullativ i Prokurimit Publik për vitin 2023.
