Blerim Vela, këshilltari i Presidentes së Republikës së Kosovës, Vjosa Osmani ka treguar se për çfarë do të flasë Osmani në takimin e Këshillit të Sigurimit të OKB-së që do të mbahet sot pasdite.
Vela përmes një cicërime në Twitter tha se në këtë takim Presidentja Osmani do t’i paraqesë të arriturat e Republikës së re të Kosovës që do t’i ekspozojë veprimet keqdashëse të Serbisë dhe aktorëve të tjerë.
Këshilli i Sigurimit i Kombeve të Bashkuara do të shqyrtojë sot raportin e rregullt gjashtëmujor të sekretarit të Përgjithshëm të OKB-së Antonio Guterres mbi situatën në Kosovë, që i referohet periudhës nga 16 marsi deri më 15 shtator.
Kosova do të përfaqësohet në këtë takim nga presidentja Vjosa Osmani e cila udhëtoi të mërkurën për New York, ndërsa Serbia nga ministri i Punëve të Jashtme, Nikola Selakoviq.
Këshilli i Sigurimit të OKB –së për Kosovën u mblodh për herë të fundit në prill të këtij viti online, për shkak të pandemisë së COVID-19.
