Kryetari i AAK-së, Ramush Haradinaj është marrë sërish me ministrin e Bujqësisë, Faton Peci.
Këtij të fundit, Haradinaj ia ka dërguar një pyetje parlamentare duke e kritikuar se “nuk po i veshë çizmet” për t’ua takuar me bujq, por po rri në takime me ambasadorë.
Peci u përgjigj duke thënë se është e rëndësishme të takohet me ambasadorë shkaku i donacioneve që japin ata.
E kjo shkaktoi reagimin e Haradinajt.
“Edhe unë ua aprovoj ato dobi të takimeve me amabsadorë, me të vërtetë janë vende mike. Ajo që po mungon është, se a keni me e pagu ratën e dytë për bujqit dhe është pjesa tjetër se a mos keni me jau hekë subvencionet dhe keni punë me bujqë e s’mundemi me i mashtru se të vijnë të dera”, ka thënë Haradinaj.
Pas kësaj deklarate, u përgjigj menjëherë ministri Peci.
“Fermerët nuk i ka mashtru kjo qeveri. Është qeveria paraprake ku ka ndodhë ky mashtrim”, tha Peci.
