Komisioni i Organizimit dhe Kontrollit të Operacioneve Elektorale, i Komisionit të Rithemelimit në PD ka shpallur rezultatin final për zgjedhjet e 22 majit, ku Sali Berisha u rizgjodh kryetar.
Bëhet me dije se në mbledhjen e fundit janë hapur kutitë janë marrë procesverbalet origjinale. Sipas të dhënave, Berisha ka marrë 93.46% të votave dhe Ibsen Elezi 5.8% të tyre.
Njoftimi i plotë:
Komisioni i Organizimit dhe Kontrollit të Operacioneve Elektorale pranë Partisë Demokratike më datë 26 maj 2022, në mbledhjen e rradhës, në prani të përfaqësuesve të kandidatëve për Kryetar të PDSH-së, u bë hapja e kutive të votimit dhe marrja e procesverbaleve origjinale.
Nga verifikimi i tyre, KOKOE shpall rezultatin final të votimit për zgjedhjet për Kryetar të PDSH-së të zhvilluara në datë 22 maj 2022.
- Sali Berisha ka marrë 93.46% të votave.
- Ibsen Elezi ka marrë 5.8% të votave.
Komisioni i Organizimit dhe Kontrollit të Operacioneve Elektorale falenderon të gjithë anëtarët e PD që u bënë pjesë e procesit më të rëndësishëm në historinë e PD, në procesin e votimit për zgjedhjen e Kryetarit të PDSH me parimin “një anëtar një votë”.
