Policia e Kosovës ka dhënë detaje për grabitjen në një pikë të “MoneyGram” në Prishtinë.
Zëdhënësja e policisë, Flora Ahmeti ka thënë se dyshohet se nën kërcënim të armës është grabitur një shumë parash.
“Sot rreth orës 17:00 është raportuar për një grabitje të ndodhur në një lokal në Prishtinë. Pas marrjes së informacionit policia ka dalë në vendngjarje dhe bazuar në informacionet e para, dyshohet se nën kërcënim të armës është grabitur një shumë parash.
Policia në koordinim me prokurorinë po ndërmerr veprimevet e nevojshme policore me qëllim zbardhjen e rrethanave të rastit”, njofton Ahmeti
