Një incident i rëndë ka ndodhur mbrëmë pas mesnatës në rrugën “Shkupi” në Prishtinë, ku janë dëgjuar të shtëna nga arma e zjarrit dhe për pasojë një person ka mbetur i plagosur, R, S.
Sipas informacioneve të para, i plagosuri është dërguar në Qendrën Klinike Universitare të Kosovës për të pranuar ndihmë mjekësore.
Ndërkaq, personi i dyshuar për gjuajtjen me armë tashmë është identifikuar nga Policia e Kosovës.
Hetimet në lidhje me këtë rast kanë filluar, ndërsa po punohet në drejtim të lokalizimit dhe arrestimit të personit të dyshuar.
Lajmin për Sinjalin e kanë konfirmuar edhe nga Policia e Kosovës, të cilët kanë bërë të ditur se po vazhdojnë procedurat e ekzaminimit të vendngjarjes me qëllim të sqarimin e plotë të rrethanave të rastit.
