Komandanti suprem i ushtrisë norvegjeze dhe gjenerali Eirik Kristoffersen tha se NATO ka dy deri në tre vjet për t’u përgatitur përpara se Rusia të rindërtojë ushtrinë e saj dhe ta përgatisë atë për një sulm konvencional.
Ky është një afat kohor më i shkurtër se sa kanë sugjeruar disa zyrtarë të tjerë perëndimorë deri më tani.
Lexo Edhe:
“Në një moment dikush tha se do të duheshin 10 vjet, por unë mendoj se jemi kthyer në më pak se 10 vjet për shkak të industrisë së zhvilluar që ekziston tashmë në Rusi. Ne kemi dy deri në tre vjet për të rindërtuar forcat dhe furnizimet tona, ndërsa në të njëjtën kohë duke mbështetur Ukrainën “Norvegjia, një anëtare e NATO-s që nga viti 1949, nuk ka parë asnjë ndryshim të rëndësishëm në kufirin e saj gjatë vitit të kaluar. Forcat tokësore ruse në gadishullin Kola janë shkatërruar pas humbjeve të rënda në Ukrainë,” tha Kristoffersen
“Tani shoh një dritare në të cilën mund të përmbushim kërkesat e dakorduara nga NATO, një strukturë e re komanduese, struktura të reja forcash, plane të reja rajonale”, tha ai, duke shtuar se këto plane dhe vendime mund të përmbushen në vitet në vijim.
“Duhet ta bëjmë brenda dy deri në tre vjet për t’u siguruar që jemi gati për çdo gjë që mund të ndodhë”, shtoi ai.
Parlamenti i Norvegjisë ende nuk ka miratuar një plan për të dyfishuar buxhetin e mbrojtjes gjatë 12 viteve të ardhshme.
“Ushtria jonë ka qenë në gatishmëri të lartë që nga vjeshta e vitit 2022, kur Rusia filloi të përmendte më shpesh armët bërthamore dhe kur ndodhi shpërthimi i Rrjedhës së Veriut. Ne po shikojmë se çfarë po ndodh në lagjen tonë dhe kemi rritur gatishmërinë tonë”, tha ai.
