Komandanti i Gardës Kombëtare të Ohajos, gjeneralmajor John Harris ka komentuar situatën aktuale rreth Kosovës dhe Serbisë dhe rolin e SHBA-ve në dialogun mes dy vendeve.
Harris tha se për stabilitetin rajonal, ShBA ka nevojë për marrëdhënie paqësore e konstruktive mes fqinjëve.
Sipas tij, dialogu është alternativa e fundit më e mirë për ta arritur këtë, dhe kjo është arsyeja pse SHBA-ja mbështet kaq fuqishëm përpjekjet e ekipit negociator të Bashkimit Evropian që udhëheq dialogun.
“Për stabilitetin rajonal, ne kemi nevojë për marrëdhënie paqësore, konstruktive dhe të parashikueshme mes fqinjëve. E pashë të dëshpëruar të shikoja përparimin e bërë drejt normalizimit të marrëdhënieve midis Serbisë dhe Kosovës të kërcënuar nga përshkallëzimi i tensioneve. Dialogu është alternativa e fundit, më e mirë për ta arritur këtë, dhe kjo është arsyeja pse SHBA-ja mbështet kaq fuqishëm përpjekjet e ekipit negociator të Bashkimit Evropian që udhëheq dialogun. Për sa i përket paqes dhe sigurisë, BE-ja dhe SHBA-ja nuk kanë qenë kurrë më afër dhe më të përqendruar sesa ne tani në realizimin e premtimit të projektit evropian pas Luftës së Dytë Botërore – një Evropë e tërë, e lirë dhe në paqe. Evropa duhet të përfshijë Ballkanin Perëndimor”, deklaroi ai.
