Disa qytetarë kanë hasur në mbetje mortore në Mitrovicë të Veriut, ka njoftuar Komisioni Qeveritar për Personat e Zhdukur gjatë luftës së fundit në Kosovë.
Dyshohet se këto mbetje mund t’i përkasin luftës së fundit në Kosovë.
Në njoftim thuhet se pas njoftimit nga Policia e Kosovës, ekipi mjekoligjor i IML-së ka tërhequr mbetjet mortore për ekzaminimet e mëtejme mjekoligjore.
“Komisioni do t’iu njoftoj pas verifikimit dhe konstatimit nga IML, nëse të njëjtat janë me interes forenzik, dhe potencialisht mund t’u përkasin viktimave të listës së personave të zhdukur”, thuhet ndër të tjera në njoftim.
